I mues an Bericht amol dem Gamsbegleiter in Christian wiedmen. Er isch Jagar, Gamsbegleiter und gleichzeitig a guetr Kollege.

Ollm bol oanr vi inz af ar Gams zuegitolt isch – kinnin mir inz an ihn wendn. Er isch mit Leib und Seele Gamsjagar und –begleiter und woas moschtns schu a passendes Stickl. A hilfsbereiter Kerl, der a Lob verdient!

Gour a pour schiene Erlebnisse onne mit ihm bi dr Jagerei schu kopp und aso ischs a leschts Johr wieder gweidn. A Goas atte zi schieß zuegitolt gikrieg. Ausgmocht oubmr ingalling amol schun di Jogg af dr Gamsgoas ouzifongin. A poormol seinmr schun ausgeruckt – oubm obr net Erfolg kopp. Und so ot er mi amol gach wiedr ouglietn – Oufong September ischs gwedn: „Osche in spatn Oftrmittoug drweil, at a Goas fr dir gseign?“ Logisch onne zuegsogg und so sein mir gstartit. Kaum oubmr inz ingerichtet kopp, ot dr Christian a schun a Goas in Onblick, spricht se kurz ou und sogg: „De ischs, de mogsche lei schießn!“

Und so ischs gwedn: A hagere Goas oubmr gschossn, 15 Johresring oubmr gezehlt und lei 16 kg ot se gwogn. Riesig isch die Frei fi inz gwedn, kinntis enk denkn! Heint no, ollm bolli de Trophäe bewundr, kimmp de Frei wieder auf.

Gfeirt oubmr gourawie in Konrad sein Kellr und a mords Hetz oubmr wiedr amol kopp!

A groaßes Dankeschön in Christian und in Konrad!

                                                                                                                   Bericht und Fotos: Franz Spiess, Sarntal