Nouch dem dase apourmo afn Fux gong bin und a zwoa gschössn und a pour gfahlt onn binne olba af do Jog nouch an Fux wos a et olltäglichis Foholtn zoag. Dou binne amo zmorganz afn Fux gong und es wor et noi Schusszeit dasse schun kearscht onn a pour Jungfixe radau mochn. Afamo heare neibm mir schnaufn bessa gsog rossl a wie wenn jemand die Nouse zui ot! Af se schilche gonz longsom nouch links und sieg 2,5-3m neibm mir an adultn Fux sitzn. I onnme foscht et schnaufn getraut bissa angalin gemiotlich weita gschniorscht isch. Fir an Schuss wor koa Meiglichkat. Zwoa Touge drau binne wiedo in gleichn Örscht gewedn, wiedo awin nouch 4a um jo et zi spout zi sein. Nouch a pour Minutn ( es wor noi Stöckfinschto) binne hinton Rucksock gelegn, heare öppas durchs Gros flichtn und olba lauta und nachna is kemm! I on af a Reach getippm und bolle gemörkt on dasz kennat gleime gion, onne in Gugga oagerissn ,meina Nervn worn volle ungsponnt wos dou itz possiersch! Af se hupft a Fux va schräg vör mior ibon Rucksock und die Pixe, 20cm ba mein Köpf vobei und wärnd hupfn otta a sellan komischn Knurra edo Faucha gemocht und wek wora wiedo. Innoholb der Sekunde binne hinton Rucksock gston wie a oansa, die Gänsefriegl ( Gänsehaut) groude ibosch und die Knio houbm getun wie a Zittopappl wenn a störkas Liftl geht!! A soi doschröckn binne mein Lebm noi nio.bolle des in die Kollegn af Nocht dozeihlt onn, seinmo noi die Gänsefriegl kemm. Mir gion an haufn Gedonkn durchn Köpf wos der Fux öppa ot, weil a sella Voholtn ( Nebm mir niedositzn, die Nouse zui und noa noi mi foscht unspring) konn et normalsein und i glab sicho a koa Zufoll!? Obo vieleicht kriogin jo!? Es tutmo load das i et van an Obschuss dozeil ( obo i glab des kennat in oan edo ondon a intressiern) und dase koa Foto on. I et hegschtns gekennt die Haxn va mior Fotografiern obo se Bild war sicho vowagglt gewedn!

Waidmonnsheil

                                                                                                                        Bericht: Peter Taferner

                                                                                                                        Foto: Hubert Niederstätter