Zwa  Südtirola Jaga in Afrika
Am16 Februar 2017, a Tog wosman nia vogessn wert ,bine widdo Vouto worn, fa an Hannes. In Tog drau steah i af do Zugholtestelle fan Kronkenhaus Bruneck. Hon mei Weibile und in Hannes besucht und noar ischmo  do Rienzna Walta ingfoll. Der hot vor a poor Johr pa an Jagaschiassn a Jogdreise nouch Afrika ,Namibia giwung. Selbo hota in Unfong et recht Intresse kop zi fohrn. Honsn giwellt amo ohkafn obbo allane do umme fliagn sem mahne hätte wo nimma Ham fun. Wie dou afn Zug wort denk i mo:" iatz leite amo in Walta un." Do erschte Spruch fan Walta isch meischtns: "Hoi Patrick OLLS KLOR". Jo souge pa dir a? Hosche die Afrikareise schun verkaft? Na sogga iats fohre selbo! Mah hotz mi gigruddlt. Du Walta nimschme mite? "Ka Problem gearn", hota gsog. Des hom mir zwa noar po ausgimocht kob. Zomgipokt de 7 Zweschpm an Zirmila mite und in 1.Mai sammo gstartn .Mitn Auto bis Frankfurt, inne in Fliaga bis Windhok, mitn Taxi a 5 Stindlan in di Jagdfarm Hillendale und dou wormo. A "Kotznsprung"! Kemmo in di Jogdfarm inne lieg schun a hamischo Gepard af an Jeepdoch obm do "Lakki". Des heb schun guit un. Bol mo fan Taxi ausgstiegn sein hot dei Kotze schun padi Hagsn umagikneft , gonz wohl wor ins Tirola sem ette. 
Ausgibokt, epas gessn und noar sammo wo aussn in Busch. La do Walta isch pan erschtn Jogdgong in do Farm gibliebm weila mitn Mougna a klans grossis Problem kop hot obbo Gott sa Donk isn noar bessa gong...
Johann do Farmer, Jeremia do Fährenleser u Patl do Jaga san ausn ins Revier gfohrn. Anfoch gewaltig a ondra Jogdwelt. Die Bame (Streicho u Dornstaudn) do Boudn die Luft is Wild gons epas onds awie in Puschtotoul. Gipirscht samo,do Wind olm di gleiche Richtung ,Schussdistanzn 50bis100 Meto. Schussvariantn jagarisch, aulegn afto Schulto freihendig olls la et afn Rucksock aulegn. Nouch an Weilile pirschn treffmo afa Kudukui. Do Bulle kannt dobei san, Vorsicht! Krat hinto do Kui noucha a gewaltigis Viech. Augileg hone af den Dreifuissstecke und mein Ellebougn hot do Johann ohgstizt und wek wora ...do Schuss. Gizeichnt hotta, ischmo firkem. Afn Onschuss wor guit Schwas und nouch a 100 Metolan ischa wo gilegn do Kudu. Mei erschtis Wild in Afrika, na gewaltig i sougs enk. An Zirmila als Weidmonn`s Heiltrunk terf et fahl. Do Fährtnlesa u Johann hom des Schnapsl schun anet indi Schuiche gilahrt. Jo mit di Zirmtschurtschn schaugs douente et netta guit aus. 
In Kudu homo mit ando Winde afn Tschip augngizougn , nor aukeng in an Rohbau und augibrochn homin noar di schworzn Einheimischn. In do Farm homo noar a Klanigkeit gessn und nouch a klana Pause sammo widdo gstartn.  Demo isch do Walta a mite dens mitloweile widdo bessa gong isch.
Die Farm steat direkt im Revier, des wos ca. 8000ha groas und olls ingizeint isch. Pan Gattole ausn noar isch schun Jogd. Nouch an kurzn Pirscha steigt Jeremia do Fährtnlesa afan" Bam" um a bessara Aussicht zi houbm und kimp a gleiamo widdo ocha, olso hota epas gsegn. 
Oryxbulle sogga gut. Seimo zuigngipirscht afa ca 60m,do Walta hot af  Jerimias Ogsl augileg und bummms. Wia mo zuignkemm lig vor ins a Prochtexemblar fa an Oryx.Weidmonn`s heil!
Is Vieche vosorg sammo widdo in di Farm gfohrn. In Namibia isch um der Johreszeit Herbscht und schun um 6a finschto.
Zin Obmtessn hotz meischtns a Stikl Fleisch gebm wosmo gschossn hom, pa offn Foir und ando Träne Roatn anfoch suppo.
Indi negschtn Touge sammo noar padi Wossostell awin ungsessn af Warznkeiler. Hom obo kan passntn gsegn. Ondros Wild as wie Streifn-und Weisschwanzgnus, Wosserbock, Kuhantilopm, Zebras und Schildkrötn af kurzer Distanz zi beobochtn wor a gewaltig.
Es war no viel zi dozehl u olls konne enk schun anet sougn.
 
I konn jedn Jaga a sea Jogdreise la Empfehln,es isch anfoch gonz epas ondos awia pa ins im Gebirge, a ondra Jogdwelt.
In Walta neamo viel Donk dass ime mitginumm hosch und fi die gonze Organisation.
 
Mit Dir hone mein erschtn Gamsjahrling gschossn u in Afrika hot is zwate Stikl.
Schen wors.
 
 Weidmonns´s Heil       
                                                                                                                                                                                                                                                                                                         Foto und Bericht: Jaga Patl