Fuchs erlegt

Es isch a Sunta in do Frioh gewedn und schunn longe vörn helle wearn onne mei Zeug genumm um awin afn Fuchs zi jagon. I on schun a bestimmbs Feld in Visier kop und sebm onnis gewellt probiern! A holbis Stindl vör Schusszeit binne schun ungsessn und on a gleiamo an Fuchs undoschaug. A weile binne schun hinton Rucksock gelegn, in Fuchs in Glous und on geworschtn bis Schusszeit isch! Afoamo ots ibro gebrennt, afn Hols, in Gsicht und sogour hinto die Oern- Umasn!! Bravo!! Genau in an sellan offatn Haufe inegelegn. Noa onne olls zommgepockt und onnmo gedenkt der Fuchs konnme amo. Bolle olls in Auto kop on ischs schun awin graue gewedn, noa onne neamo ibos Feld augngschaug- do Fuchs ollm noi öbm! Schnell wiedo olls ausgepockt, wiedo niedogeleg ( deimo obo nimma in Umasnhaufe) und probierscht in Fuchs ins Glous zi breng! Zommp dassz gouf awin helle wor onin foscht et drinbroucht, se ischmo gonz komisch fiorkemm. Angaling onnis dorichtn, noa onne oamo augngepfiffn und bolla vohöfft ot onne gschössn! Afn Schuss ischa awi oagerutscht und itz onne erscht gsegn wie weit des wor! 255m!! A sellan Oasch! Gelegn isch a Mörolto Rüde, boada Fouchende holbis ougfault und die Schneidezände lamme ginz kurschz! A mörschts Freide ibo den Obschuss

 

Wmh

 

                                                                                      Bericht und Foto: Peter Taferner